İDMAN


“Judo Club 2012”nin təmsilçiləri mövsümün ilk yarışında 3 medal qazanıblar

Bakı, 21 yanvar, AZƏRTAC

Fövqəladə Hallar Nazirliyinin (FHN) İdman-Sağlamlıq Mərkəzində yeniyetmələr arasında (U-18) cüdo üzrə keçirilən respublika birinciliyində “Judo Club 2012” idman klubunun yetirmələri 2 gümüş, 1 bürünc medal qazanıblar.

AZƏRTAC xəbər verir ki, klubun aktivinə gümüş medalları Məmmədrza Hacızadə (60 kq) və Zeynəb Məmmədova (52 kq), bürünc medalı isə Fidan Rəhimova (70 kq) yazdırıblar. Klubun təmsilçilərindən Rəşad Paşazadə (81 kq) və Əli Mahmudov (90 kq) beşinci yerlə kifayətlənməli olublar.

Budəfəki respublika birinciliyində 68 klubdan 565 (488 oğlan, 77 qız) cüdoçu doqquz çəki dərəcəsində mübarizə aparıb. “Judo Club 2012”nin yeniyetmə idmançılarının mövsümün ilk yarışındakı nəticələri qənaətbəxş sayıla bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.