DÜNYA


Keçən il Gürcüstanda itkin düşən Azərbaycan vətəndaşı tapılıb

Tbilisi, 26 yanvar, AZƏRTAC

2019-cu ildə Gürcüstanda 195 nəfər itkin düşüb. Aparılan axtarış tədbirləri nəticəsində onlardan 133-ü tapılıb.

AZƏRTAC xəbər verir ki, bu barədə Gürcüstanın Daxili İşlər Nazirliyinin hesabatında bildirilir.

Qeyd olunur ki, tapılan 133 nəfərdən 10-nun meyiti aşkar edilib. Sağ-salamat tapılanlardan dördü Belçika, ikisi Səudiyyə Ərəbistanı, qalanları isə Azərbaycan, Qazaxıstan, Rusiya və İordaniya vətəndaşlarıdır.

Keçən il itkin düşən 16 yaşadək uşaqlardan 7-si hələ də axtarılır.

Hesabatda bildirilir ki, 1973-cü ildən 2020-ci il yanvarın 1-dək Gürcüstanda 6 minə yaxın insan itkin düşüb ki, onlardan da minə yaxını tapılıb.

Qeyd olunur ki, 2018-ci ildə 167 nəfər itkin statusu alıb. Aparılan əməliyyat-axtarış tədbirləri nəticəsində 2019-cu il yanvarın 1-dək onlardan 100 nəfəri sağ-salamat, 15 nəfərinin isə cəsədi tapılıb.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.