İDMAN


Mariana Vasileva: Tamaşaçıların Azərbaycan himnini oxuduqlarını görəndə gözlərim yaşardı

Bakı, 21 aprel, AZƏRTAC

Milli Gimnastika Arenasında keçirilən bədii gimnastika üzrə II "AGF Junior Trophy" beynəlxalq turnirində həm fərdi gimnastlarımız, həm də komandamız uğurlu nəticə əldə etdilər. Azərbaycan Gimnastika Federasiyasının dəstəyi və inamı olmadan biz heç vaxt belə bir nəticəyə nail ola bilməzdik. Ona görə də federasiyaya öz minnətdarlığımı bildirirəm. Həmçinin qazanılan uğurlara görə bütün heyətə təşəkkür edirəm.

AZƏRTAC xəbər verir ki, bu sözləri jurnalistlərə müsahibəsində bədii gimnastika üzrə Azərbaycan milli komandasının baş məşqçisi Mariana Vasileva deyib.

“Arenadakı azarkeşlər bizi sonacan dəstəklədilər. Bütün tamaşaçıların bizim ölkənin şərəfinə ayağa qalxdığını, onların Azərbaycanın dövlət himnini səsləndirdiyini görəndə gözlərim qürurdan yaşardı. Ümid edirəm ki, gələn həftə keçiriləcək bədii gimnastika üzrə dünya kubokunda senyorkalardan ibarət komandamız, o cümlədən fərdi proqramda çıxış edəcək Veronika Qudis və Zöhrə Ağamirova da bizi sevindirəcək".

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.