Qəbələdə “Hekayəti-xırs quldurbasan” tamaşası nümayiş etdirilmişdir
Qəbələ, 3 iyul (AZƏRTAC). “Azərbaycan teatrı 2009-2019-cu illərdə” Dövlət Proqramına uyğun olaraq Azərbaycan Dövlət Gənc Tamaşaçılar Teatrının yaradıcı kollektivi bölgə tamaşaçıları qarşısında mütəmadi çıxış edirlər.
AZƏRTAC xəbər verir ki, teatrın kollektivi növbəti dəfə Qəbələ rayonuna səfər etmişdir.
Qəbələ Mədəniyyət Mərkəzində milli dramaturgiyamızın banisi Mirzə Fətəli Axundzadənin “Hekayəti-xırs quldurbasan” komediyası əsasında hazırlanmış tamaşa təqdim edilmişdir.
Tamaşanın quruluşçu rejissoru Xalq Artisti Cənnət Səlimova, quruluşçu rəssamı Tahir Tahirov, bəstəkarı Firudin Allahverdidir.
Rolları aktyorlardan Şövqi Hüseynov, Natiq Fərzəliyev, Elnur Kərimov, Seyidşah Məmmədov və başqaları canlandırmışlar.
Yaradıcı heyətin çıxışı alqışlarla qarşılanmışdır.
Bölmənin digər xəbərləri
