İSB: Yenilənmiş sayt xidmətlərin daha operativ və səmərəli göstərilməsinə imkan yaradır
Bakı, 10 fevral, AZƏRTAC
İcbari Sığorta Bürosunun (İSB) yenilənmiş internet səhifəsi – www.isb.az saytının yeni dizayn və təkmilləşdirilmiş strukturla istifadəyə verilməsində məqsəd istifadəçilər üçün daha rahat, çevik və funksional platformanın yaradılması, informasiya əlçatanlığının artırılmasıdır.
Bu sözləri AZƏRTAC-a açıqlamasında “İcbari Sığorta Bürosu”nun Rəqəmsal həllərin inkişafı departamentinin rəhbəri İslam İsmayılov bildirib.
“Yenilənmiş veb-səhifədə naviqasiya sistemi sadələşdirilib, ən çox istifadə olunan bölmələr ön plana çıxarılıb, Azərbaycan və ingilis dillərində istifadə imkanı təmin edilib. İSB-nin informasiya sistemində “Şəxsi kabinet”in dizaynı yenilənib və funksionallığı genişləndirilib. Bununla yanaşı, 4 yeni elektron xidmət – “Bonus-Malus əmsalı üzrə onlayn müraciət”, “Radar cəriməsi üzrə onlayn müraciət”, “Şəxsin yazılı razılığı əsasında sığorta hadisəsi tarixçəsinin sorğulanması üzrə onlayn müraciət” və “Sığorta hadisəsi üzrə müstəqil ekspert təyini üçün onlayn müraciət” istifadəyə verilib ki, bu da xidmətlərin daha operativ və səmərəli göstərilməsinə imkan yaradır”, - deyə İ.İsmayılov nəzərə çatdırıb.
Bölmənin digər xəbərləri
