CƏMİYYƏT


Ramana qəsəbəsində oğurluq edən şəxslərdə narkotik vasitə aşkarlanıb

Bakı, 16 oktyabr, AZƏRTAC

Oktyabrın 9-da Ramana qəsəbəsi ərazisindəki bir saxlanc yerindən iki min manat dəyərində təmir-tikinti alətləri, iki ədəd akkumulyator, elektrik açarları və 480 metr naqil oğurlamaqda şübhəli bilinən Bakı şəhər sakinləri M.Hüseynov, T.Qurbanov və R.Tağıyev Sabunçu Rayon Polis İdarəsinin 12-ci polis şöbəsinin əməkdaşlarının keçirdikləri əməliyyat-axtarış tədbiri nəticəsində müəyyənləşdirilərək saxlanılıblar.

Daxili İşlər Nazirliyinin mətbuat xidmətindən AZƏRTAC-a verilən məlumata görə, axtarış zamanı R.Tağıyevdən və T.Qurbanovdan metamfetamin, M.Hüseynovdan isə heroin aşkarlanaraq götürülüb.

Hadisə ilə bağlı rayon polis idarəsi tərəfindən araşdırma aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.