Seneqal əslli italyan sürücü məktəbliləri daşıyan avtobusu yandırıb
Roma, 21 mart, AZƏRTAC
İtaliyanın Kremona əyalətində Seneqal əslli sürücü Oseyno Su içərisində 51 məktəbli olan avtobusu yandırıb.
AZƏRTAC İtaliyanın “thelocal.it” saytına istinadla xəbər verir ki, yerli mənbələrin məlumatına əsasən, polislər 2004-cü ildən İtaliya vətəndaşı olan Sneqal əsilli 47 yaşlı sürücünü həbs ediblər. Avtobusdakı şagirdlər xilas olunub.
Oseyno Su avtobusu İtaliya hökumətinin miqrant siyasəti nəticəsində afrikalı miqrantların Aralıq dənizində batmalarına etiraz olaraq yandırdığını bildirib.
Xilas edilən məktəblilərdən 14-ü xəstəxanaya yerləşdirilib. Hadisə nəticəsində xəsarət alan şagirdlərdə yüngül yaralar, tüstü zəhərlənməsi aşkarlanıb. Ciddi xəsarət alanların olmadığı bildirilib.
Asiman Əsədov
AZƏRTAC-ın xüsusi müxbiri
Roma
Bölmənin digər xəbərləri
