Serbiyada ekoloqların aksiyaları nəticə verib

Belqrad, 21 yanvar, AZƏRTAC

Serbiyada həftələrdir davam edən etirazlardan sonra ekoloqların tələbi ilə hökumət beynəlxalq mədən nəhəngi “Rio Tinto” şirkətinin bütün lisenziyalarını ləğv edib.

AZƏRTAC xəbər verir ki, Serbiyanın Baş naziri Ana Brnabiç etirazçıların ətraf mühitlə bağlı bütün tələblərinin yerinə yetirildiyini və “Rio Tinto” şirkətinin Serbiyadakı fəaliyyətini dayandırdığını açıqlayıb.

Qeyd edək ki, Serbiya hökumətini ölkənin təbii sərvətlərini beynəlxalq şirkətlərə verməkdə və ətraf mühiti çirkləndirməkdə günahlandıran on minlərlə etirazçı həftələrdir şirkətlərin mədən fəaliyyətinin qarşısının alınmasını tələb edirdi.

Nihad Budaqov

AZƏRTAC-ın xüsusi müxbiri

Belqrad