® “Ziraat Bank Azərbaycan” 2022-ci ili uğurla yekunlaşdırıb
“Ziraat Bank Azərbaycan” 2022-ci ilin yekunlarına dair maliyyə hesabatlarını açıqlayıb.
Hesabatlara əsasən, bank böyüməyə və müştərilərinin etimadını qazanmağa davam edib. Belə ki, açıqlanmış maliyyə hesabatlarına əsasən, 2022-ci ildə bankın aktivləri 36,3 faiz artaraq 529 milyon manata çatıb. Bankın kredit portfeli isə banklar və digər maliyyə institutları istisna olmaqla 37,5 faiz artaraq 317 milyon manatı keçib. Həmçinin Bankın məcmu kapitalı 31 faiz artaraq 102 milyon manatı keçib. “Ziraat Bank Azərbaycan” 2022-ci ildə nizamnamə kapitalını da 31 faiz artıraraq 65 milyon manata çatdırıb.
Bank müştərilərinin inam və etibarını qazanmağa davam edir. Göstəricilərdən biri olaraq bankın depozit portfelində il ərzində müşahidə olunan mühüm artımı bunun sübutu kimi qeyd etmək olar. Belə ki, Bankın cəmi depozit portfeli banklar və digər maliyyə institutları istisna olmaqla 2021-ci ilin sonu ilə müqayisədə 51 faiz artaraq 318 milyon manata çatıb. Bankın xalis mənfəəti isə 7,5 milyon manatı ötüb.
2022-ci ildə Bankın beynəlxalq və yerli təşkilatlar ilə əməkdaşlığı da uğurla inkişaf edib. Belə ki, Azərbaycan Respublikası İqtisadiyyat Nazirliyi Sahibkarlığın İnkişafı Fondunun vəsaiti hesabına Bank tərəfindən yerləşdirilmiş kreditlərdə keçən ilin sonu ilə müqayisədə 24 faiz artım müşahidə olunub. Azərbaycan Respublikası İpoteka və Zəmanət Fondu vəsaiti hesabına verilmiş kreditlərdə isə 2021-ci ilin sonu ilə müqayisədə 2,7 dəfədən artıq artım müşahidə edilib.
“Ziraat Bank Azərbaycan” 2022-ci ildə xarici ticarət əməliyyatlarında təqdim etdiyi xidmətlərin daha da yaxşılaşdırılması məqsədilə Fransanın “Societte Generale” bankında yeni avro müxbir hesabı açaraq beynəlxalq müxbir əlaqələrini genişləndirib və hesabların sayını səkkizə çatdırıb. Qeyd etmək lazımdır ki, “Societte Generale” avro valyutasında ən yaxşı müxbir bank xidmətləri təqdim edən Avropa banklarından biri hesab edilir. Bank 2022-ci ildə xarici ticarət istiqamətində göstərdiyi üstün xidmətlərə görə “Global Finance” beynəlxalq nəşri tərəfindən “İlin ən yaxşı xarici ticarət xidmətini təqdim edən bank”ı adına layiq görülüb. Ümumi olaraq hesabatlara əsasən, bank 2022-ci il ərzində əsas maliyyə göstəriciləri üzrə illik fəaliyyətini uğurla tamamlayıb.
“Ziraat Bank Azərbaycan” ASC Türkiyə Respublikasına məxsus, 159 illik tarixə malik olan “Ziraat Maliyyə Qrupu”nun tərkib hissəsidir və Azərbaycan Respublikasının Mərkəzi Bankı tərəfindən verilmiş 2014-cü il 30 dekabr tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 7 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.
Bankın təqdim etdiyi məhsul və xidmətlər haqqında daha ətraflı məlumatı, Bankın feysbuk, instaqram, tviter, linkedin sosial media hesablarından və ya *9229 qısa nömrəsinə zəng edərək əldə edə bilərsiniz.
Bölmənin digər xəbərləri
