Bakı, 3 oktyabr, AZƏRTAC

Azərbaycan Avtomobil Yolları Dövlət Agentliyi (AAYDA) tərəfindən sentyabrın 26-dan oktyabrın 2-dək olan müddətdə yol tikintisi və təmiri sahəsində görülən işlər barədə məlumat açıqlanıb.

Agentliyin İctimaiyyətlə əlaqələr şöbəsindən AZƏRTAC-a bildirilib ki, həmin müddət ərzində M-1 magistral avtomobil yolunun bir hissəsində aparılan təmir-bərpa işləri yekunlaşıb. Piyada keçidində aparılan təmir-bərpa işləri yekunlaşmaq üzrədir. Eyni zamanda, Qudyalçay üzərində yeni körpünün inşasına start verilib.

M-1 Bakı-Quba-Rusiya Federasiyası ilə dövlət sərhədi avtomobil yolunun paytaxt Bakı istiqamətində olan 51-61-ci kilometrlik hissəsində təmir işlərinə başlanılıb.