ABŞ-da gün ərzində koronavirusdan ölənlərin sayı 2 minə çatıb
Vaşinqton, 11 aprel, AZƏRTAC
Amerika Birləşmiş Ştatlarında cümə günü koronavirusdan ölənlərin sayı 2 mini ötüb. Bu, COVID-19 infeksiyasından ölənlərin yeni "rekord" göstəricisidir.
AZƏRTAC xəbər verir ki, Ağ evin koronavirusla mübarizə üzrə əlaqələndiricisi doktor Debora Birksin sözlərinə görə ABŞ hələ pandemiyanın pik nöqtəsinə çatmayıb. Lakin koronavirusa yoluxmanın azalmasına dair ümidverici əlamətlər mövcuddur.
Sietldəki Vaşinqton Universitetində aparılan tədqiqatların gedişində pandemiya trayektoriyasının hesablanmasının bəzi daha populyar modelləri işlənib hazırlanıb. Nəticələr göstərib ki, cümə günü ölənlərin sayı 1983-ə çatacaq, lakin yaxın günlərdə bu rəqəm aşağı düşəcək.
AZƏRTAC-ın Vaşinqton bürosu
Bölmənin digər xəbərləri
