ABŞ DÖVLƏT DEPARTAMENTİ AMERİKALILARI XATƏMİNİ SUALLARA TUTMAĞA ÇAĞIRIR
Xarici siyasət idarəsinin nümayəndəsi Makkormak bildirmişdir ki, ABŞ-ın rəsmi şəxslərindən heç kim İran siyasətçisi ilə görüşmək niyyətində deyildir. O, özəl təşkilatların dəvəti ilə gəlir və bir neçə konfransda iştirak edəcəkdir.
Makkormak demişdir: “Bu təşkilatlardan və tədbirlərə qatılacaq şəxslərdən xahiş edərdim ki, ona bir neçə çətin sual, bir neçə çaşdırıcı sual versinlər. Elə suallar ki, onlara görə İranda adamı zindana ata bilərlər”.
Avqustun 31-də ABŞ hakimiyyət orqanları Məhəmməd Xatəmiyə ölkəyə gəlmək üçün viza vermişlər. İranla diplomatik münasibətlərin olmamasına və Vaşinqtondan Tehranın ünvanına daim tənqidlər söylənilməsinə baxmayaraq, Dövlət Departamentində qərara almışlar ki, Xatəmi heç bir rəsmi vəzifə tutmur, onun ABŞ-a gəlməsinə icazə verilməməsi məqsədəuyğun deyildir.
Bölmənin digər xəbərləri
