ABŞ İRAQIN BƏRPASINDA BMT-NİN APARICI ROLUNU İSTİSNA EDİR
“Röyter” Agentliyindən AZƏRTAC-a daxil olan xəbərdə deyilir ki, ABŞ müharibədən sonrakı İraqın bərpasında BMT-nin aparıcı rolunu istisna edir. Amerikanın rəsmi nümayəndələrinin sözlərinə görə, Vaşinqton və onun müttəfiqləri bu rolu “öz əsgərlərinin qanı bahasına” qazanmışdır.
ABŞ prezidentinin milli təhlükəsizlik məsələləri üzrə müşaviri Kondoliza Rays jurnalistlərə demişdir: ”Mən düşünürəm ki, biz İraqın azadlıgı uğrunda öz əsgərlərimizin həyatını qurban vediyimizə görə, müharibədən sonra koalisiya aparıcı rol oynamalıdır”. K. Rays həmçinin qeyd etmişdir ki, BMT İraqın müharibədən sonrakı bərpasında çox cüzi bir rol oynaya bilər, o da əsasən hümanitar yardımların daşınmasında, yaxud “neftin ərzağa dəyişdirilməsi” proqramının yerinə yetirilməsində. “BMT-nin dəqiq rolu yalnız koalisiya üzvləri, İraq xalqı və BMT nümayəndələrinin birgə məsləhətləşmələrindən sonra müəyyən edilə bilər”- deyə Rays çox sərt bəyanat vermişdir.
Bölmənin digər xəbərləri
