ABŞ-LA TÜRKİYƏ ARASINDA KÜRD MƏSƏLƏSİ İLƏ BAĞLI FİKİR AYRILIĞI YARANMIŞDIR
Sinxua agentliyidən AZƏRTAC-a daxil olmuş məlumata görə, ABŞ-ın dəstəklədiyi kürd silahlı qüvvələri Kərkük şəhərinə yaxınlaşdıqca, Türkiyə ilə rəsmi Vaşinqton arasında yenidən kürd məsələsi ilə bağlı fikir ayrılığı yaranmışdır.
ABŞ dövlət katibi Kolin Pauellin aprelin 2-də Türkiyəyə səfəri zamanı Kürdistan lideri bəyan etmişdir ki, əgər kürdlərə Kərkükə girməyə imkan verilməsə, onlar İraq müharibəsində iştirak etməyəcəklər. Digər tərəfdən, Türkiyə Silahlı Qüvvələri Baş Qərargahının rəisi Hilmi Özkök də dövlət katibi ilə görüşü zamanı bildirmişdir ki, kürdlər Kərkükə girdikləri halda, onun qoşunları İraqın şimalına daxil olacaqdır. Türkiyə Kərkük neftini ələ keçirə biləcək İraq kürdlərinin müstəqil dövlət yaratmaq səylərinin güclənəcəyindən və bunun nəticəsində ölkənin kürd rayonlarında sabitliyin pozulacağından ehtiyatlanır.
Prezident Corc Buşun xüsusi nümayəndəsi özünün martdakı səfəri zamanı Türkiyə ilə İraq kürdləri arasındakı ixtilafları aradan qaldırmaq üçün diplomatik səylər göstərməsinə baxmayaraq, məqsədinə çata bilməmişdir. O, aprelin 7-də yenidən Türkiyəyə gedərək, Kərkük böhranının nizama salınmasına çalışacaqdır.
Bölmənin digər xəbərləri
