ABŞ PREZİDENTİ İRAQ VƏ ƏFQANISTAN İDMANÇILARINI TƏBRİK ETMİŞDİR
C.Buş demişdir ki, Afina Olimpiadasında İraqın 29 idmançısı, o cümlədən futbol komandası iştirak edir. O, futbolçuların elə ilk görüşdə yaxşı nəticə göstərdiyini və portuqaliyalıları məğlubiyyətə uğratdığını xüsusi vurğulamışdır. Dövlət başçısı demişdir: “İraq idmançıları Olimpiadanın yarışlarında iştirak etməklə göstərirlər ki, azadlıq və ümid terror və ümidsizlikdən daha güclüdür”.
Məlum olduğu kimi, 1999-cu ildə Əfqanıstanda hakimiyyətə gələn taliblər qadınlara idman yarışlarında, eləcə də Olimpiya oyunlarında iştirakı yasaq etdiklərinə görə, ölkə həmin il Beynəlxalq Olimpiya Komitəsindən çıxarılmışdı.
Müharibədən əvvəlki İraqda isə Prezident Səddam Hüseyn öz oğlunu Milli Olimpiya Komitəsinin başçısı təyin etmişdi. Bəzi məlumatlara görə, o, dissident idmançılara işgəncə verirdi. İraq dünyada yeganə ölkə idi ki, onun Olimpiya Komitəsinin öz həbsxanası vardı.
Bölmənin digər xəbərləri
