“Abşeron” REŞ-də təmir işləri aparılmışdır
Bakı, 15 mart (AZƏRTAC). “Abşeron” Regional Elektrik Şəbəkəsinin (REŞ) yarımstansiyalarında, elektrik verilməsi xətlərində yenidənqurma və təmir işləri davam etdirilir.
“Azərenerji” ASC-dən AZƏRTAC-a bildirmişlər ki, “Müşfiq” yarımstansiyasında 200 meqavatlıq (MVA) transformator quraşdırılmış, 110 kilovoltluq (kV) kabel xəttinin çəkilməsi davam etdirilmişdir.
“Qala” yarımstansiyasında 35 və 6 kV-lik qapalı paylayıcı obyektin, həmçinin inzibati binanın təmiri aparılır. Yarımstansiyada 75/63 MVA gücündə transformator, həmçinin akkumulyator batareyaları yenisi ilə əvəzlənmişdir.
110 kV-lik 3-cü “Qala” yarımstansiyası ilə “Hövsan” yarımstansiyası arasında ikidövrəli xətt çəkilmiş, 2-ci “Suraxanı” xəttində bir sıra dayaqlar dəyişdirilmişdir.
Bölmənin digər xəbərləri
