“Abşeronneft” neft-qaz çıxarma idarəsinin mədən ərazilərinin yaşıllaşdırılması istiqamətində tədbirlər davam etdirilir
Bakı, 26 fevral (AZƏRTAC). Azərbaycan Respublikası Dövlət Neft Şirkətinin (ARDNŞ) “Ekol Mühəndislik Xidmətləri” Qapalı Səhmdar Cəmiyyəti (QSC) tərəfindən “Azneft” İstehsalat Birliyinin “Abşeronneft” neft-qaz çıxarma idarəsinin reabilitasiya olunmuş mədən ərazilərində yaşıllıq sahələrinin genişləndirilməsi və bitkilərə aqrotexniki xidmətlərin göstərilməsi layihəsi uğurla davam etdirilir.
QSC-dən AZƏRTAC-a bildirmişlər ki, ötən il idarənin mədən ərazilərində yaşıllıq sahələri genişləndirilmiş, əraziyə 2 min 200 ədədə qədər yeni müxtəlif növ ağac və bəzək kolları əkilmişdir.
Hazırda QSC-nin torpaqların rekultivasiyası departamentinin işçiləri tərəfindən idarənin mədən ərazilərində ümumilikdə 14 min 200 ədədə qədər müxtəlif növ ağac və bəzək kollarına aqrotexniki xidmətlər göstərilir.
Bölmənin digər xəbərləri
