ADAU “Webometrics” reytinqi üzrə region universitetləri arasında ən yüksək nəticəni əldə edib
Gəncə, 31 yanvar, Elcan Məmmədov, AZƏRTAC
“Webometrics” reytinqi (Webometrics Ranking of World Universities) 2025-ci il üçün ilk reytinq cədvəlini açıqlayıb.
Azərbaycan Dövlət Aqrar Universiteti (ADAU) Dünya Universitetlərinin “Webometrics Reytinqi”nin (Webometrics Ranking of World Universities) 2025-ci il nəticələrinə görə ölkə üzrə reytinqdə yer alan 35 ali təhsil müəssisəsi arasında 10-cu sıraya yüksələrək, region universitetləri arasında ən yüksək nəticəni əldə edib.
AZƏRTAC-ın bölgə müxbiri xəbər verir ki, “Webometrics Reytinqi”nin 2025-ci ilin yanvar buraxılışında dünyanın hər yerindən təxminən 32000 ali təhsil müəssisəsi yer alıb. “Reytinq Majestic”, “Google Scholar” və “Scimago-Scopus” kimi etibarlı mənbələrdən toplanan həm vebometrik, həm də bibliometrik göstəricilərə əsaslanır.
Qeyd edək ki, ADAU 2021-ci ildə respublika üzrə 19-cu, 2022-ci ildə 14-cü, 2023-cü ildə 13-cü, 2024-cü ildə isə 12-ci yerdə qərarlaşmışdı. 2025-ci ilin nəticələrinə əsasən 2 pillə irəliləyərək 10-cu sıraya yüksəlib.
Bölmənin digər xəbərləri
