AFFA “Səbail” klubu ilə bağlı iddianı təmin etməyib
Bakı, 13 oktyabr, AZƏRTAC
AFFA-nın Oyunçuların Statusu və Transferi Komitəsi “Səbail”in sabiq futbolçusu Tural Bayramlının Bakı klubuna qarşı təzminat tələbinə dair işə baxıb.
AZƏRTAC milli assosiasiyanın rəsmi saytına istinadən xəbər verir ki, 25 yaşlı yarımmüdafiəçinin şikayəti təmin olunmayıb.
Bu isə o deməkdir ki, “dənizçilər” oyunçuya kompensasiya ödəməyəcək və kluba hər hansı sanksiya tətbiq edilməyəcək.
Qeyd edək ki, cari mövsümün sonunda “Səbail”i “Araz-Naxçıvan”a dəyişən Tural Bayramlı sabiq klubunu müqavilə öhdəliklərini yerinə yetirməməkdə günahlandıraraq AFFA-ya şikayət edib.
Bölmənin digər xəbərləri
