AFFA “TURAN” KLUBUNU CƏZALANDIRMIŞDIR
AZƏRTAC AFFA-ya istinadən xəbər verir ki, qurumun Nizam-İntizam Komitəsi (NİK) “Turan” komandasını 4000 manat məbləğində cərimələmişdir.
Klubun baş məşqçisi Sakit Alıyev ölkə çempionatının son turunda “Olimpik”lə oyundan sonra hakimi təhqir etdiyi üçün NİK komandanı cəzalandırmışdır. Bundan əlavə S.Alıyev komandasının 4 oyununu buraxmalı olacaqdır.
NİK-in çıxardığı digər qərara əsasən, “Simurq”-“ABN-Bərdə” görüşündə meydan sahiblərinin, “Standard”-“İnter” oyununda isə qonaq komandanın 4 futbolçusu sarı vərəqə ilə cəzalandırıldığı üçün, hər iki klub 1000 manat cərimələnmişdir.
Bölmənin digər xəbərləri
