AFFA UŞAQ FUTBOLUNUN İNKİŞAFI İSTİQAMƏTİNDƏ FƏALİYYƏTİNİ GENİŞLƏNDİRMƏK NİYYƏTİNDƏDİR
AzəTAc xəbər verir ki, AFFA-nın baş katibi Elxan Məmmədov qurumun saytında futbol azarkeşlərini maraqlandiran bir sıra sualları cavablandırmışdır.
E.Məmmədov bildirmişdir ki, AFFA Azərbaycanda fəaliyyət göstərən yerli və xarici təşkilatları futbolun inkişafı üçün tədbirlər görməyə cəlb etmək niyyətindədir. O demişdir ki, biz klublarımızın nəzdində uşaq futbol məktəblərinin açılmasına və daha mütəşəkkil fəaliyyət göstərməsinə çalışacağıq. Bir neçə ildən sonra uğurlu nəticələr əldə etmək üçün işimizi indidən düzgün qurmalıyıq.
Uşaq futbol məktəblərinin açılması üçün böyük vəsaitin tələb olundugunu söyləyən E.Məmmədov, AFFA-nın uşaq futbolunun inkişafı üçün istənilən layihəni dəstəkləməyə hazır olduğunu demişdir.
Bölmənin digər xəbərləri
