AFİNA OLİMPİADASI REKORDLAR VURUR
Beynəlxalq Olimpiya Komitəsinin (BOK) məlumatına görə, 202 ölkə öz idmançılarını qarşıdakı Olimpiadaya göndərmək niyyətində olduğunu bildirmişdir. Müqayisə üçün xatırladaq ki, Sidneydə keçirilmiş 2000-ci il Olimpiadasında 199 dövlətin nümayəndələri və BOK bayrağı altında çıxış etmiş Şərqi Timor idmançıları yarışmışdılar. İndi isə BOK tərəfindən rəsmən tanınmış bütün milli olimpiya komitələri Afina oyunlarında iştirak etmək istədiklərini təsdiqləmişlər.
Yeri gəlmişkən, 1896-cı ildə Afinada keçirilmiş ilk Olimpiya oyunlarında 14 ölkənin idmançıları mübarizə aparmışdılar. İştirakçıların ən az sayı isə 1904-cü il Olimpiadasında qeydə alınmışdır. O vaxt ABŞ-ın Sent-Luis şəhərinə 12 ölkənin idmançıları gəlmişdi.
Bölmənin digər xəbərləri
