Ağ Ev: Demokratlar hökumətimizi bağlamaqla amerikalıları işlərindən etdilər
Vaşinqton, 6 oktyabr, AZƏRTAC
Demokratlar hökumətimizi bağlamaqla amerikalıları işlərindən etdilər. AZƏRTAC-ın məlumatına görə, bu sözləri Ağ Evin mətbuat katibi Kerolayn Livit keçirdiyi mətbuat konfransında deyib. O, bildirib ki, hökumətin bağlanması ilə müxalif partiya qoşunlara zərər verib, iqtisadiyyata zərər vurub və xaosa səbəb olub.
“Bütün bunlar ölkəmizə qanunsuz daxil olmuş şəxslərə köməkdir. Qanunsuz miqrantları məsuliyyətə cəlb etmək və onları aradan qaldırmaq əvəzinə Demokratlar Partiyası onlara Amerika vergi ödəyiciləri tərəfindən ödənilən pulsuz güzəştlər vermək istəyirlər. Onlar isə bunu reallaşdırmaq üçün Amerika vətəndaşlarına zərər verməyə hazırdırlar”, - deyə o əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
