Agentlik sədri: Hədəfimiz təchizat dayanıqlılığının təmin edilməsi və kəskin qiymət artımının qarşısını almaqdır
Bakı, 3 oktyabr, AZƏRTAC
Yeni qanun layihəsi dövlət ehtiyatlarının yaradılması, saxlanılması, idarə edilməsi və bundan irəli gələn digər məsələlərin tənzimlənməsini özündə ehtiva edir.
AZƏRTAC xəbər verir ki, bu sözləri Dövlət Ehtiyatları Agentliyinin İdarə Heyətinin sədri Səbuhi Sadıqov oktyabrın 3-də keçirilən iclasında “Dövlət ehtiyatları haqqında” qanun layihəsinin müzakirəsi zamanı səsləndirib.
Strateji dövlət ehtiyatlarının əhalini və iqtisadiyyatın təsirə məruz qalan hissəsini əhatə etdiyini vurğulayan agentliyin sədri hədəfin təchizat dayanıqlılığının təmin edilməsi və kəskin qiymət artımının qarşısının alınması olduğunu deyib.
Onun sözlərinə görə, səfərbərlik üzrə dövlət ehtiyatları isə müdafiə və səfərbərlik ehtiyaclarının təmin edilməsinə yönəldiləcək. Fövqəladə ehtiyatlar bir qrup əhalinin fövqəladə hallar zamanı dərhal istifadəsi və strateji əhəmiyyətli obyektlərin fasiləsiz fəaliyyətin təmini üçün zəruri malların mövcudluğunun təmin olunmasını özündə ehtiva edir.
Bölmənin digər xəbərləri
