Ağstafa rayonunun fermerləri 10 min 800 hektarlıq taxıl zəmisinin 5 min hektara yaxın hissəsində biçin aparmışlar. Hər hektardan orta hesabla 25-27 sentner məhsul əldə edilmişdir.

Rayon icra hakimiyyətinindən AZƏRTAC-ın müxbirinə bildirmişlər ki, mütəşəkkil təşkil olunan biçin kampaniyasında 45 kombayn iştirak edir. İndiyədək 12 min ton məhsul yığılmışdır. Ağstafalı fermerlər 30 min tona yaxın məhsul tədarük edəcəklərinə inanırlar.