“AKKORD” OTÜSTÜ XOKKEY ÜZRƏ AZƏRBAYCAN ÇEMPİONU OLMUŞDUR
AZƏRTAC xəbər verir ki, noyabrın 1-də “Excelsior” mehmanxanasının meydançasında otüstü xokkey üzrə kişilərdən ibarət komandalar arasında VIII respublika çempionatının həlledici görüşündə “Akkord” və “Atasport” klubları qarşılaşmışlar.
Ölkə çempionatının sonuncu turundan sonra hər iki komanda eyni - 15 xal topladığından onların arasında “qızıl oyun” keçirilmişdir.
Gərgin idman mübarizəsi şəraitində keçən görüşdə Saleh Balamiyevin oyunun 11-ci dəqiqəsində vurduğu yeganə qol “Akkord” klubuna Azərbaycan çempionu adını qazandırmışdır.
Ölkənin ikiqat çempionu olmuş “Akkord” komandası respublikamızı Avropa ölkələri çempionlarının turnirində təmsil etmək hüququ əldə etmişdir.
“Akkord” Şirkətlər Qrupundan verilən məlumata görə, ölkə çempionatındakı bu qələbəyə görə 2 oyunçuya mənzil, 2 oyunçuya avtomobil, digərlərinə isə pul mükafatları veriləcəkdir.
######
Bölmənin digər xəbərləri
