Aktotı Raimkulova: Şəhərsalma şübhəsiz ki, inkişaf və modernləşmə gətirir

18.05.2026 [16:25]
Çap et
A⁺ A^-

Bakı, 18 may, AZƏRTAC

Bakıda keçirilən BMT-nin Ümumdünya Şəhərsalma Forumunun 13-cü Sessiyası (WUF13) yalnız şəhərsalma məsələlərinin müzakirə olunduğu platforma deyil. Bu tədbir həm də bəşəriyyətin davamlı, inklüziv, dayanıqlı və öz tarixi-mədəni kimliyini qoruyub saxlayan şəhərlərin necə qurulması barədə birgə düşünmək üçün yaradılmış fürsətdir.

AZƏRTAC xəbər verir ki, bunu Türk Mədəniyyəti və İrsi Fondunun prezidenti Aktotı Raimkulova mayın 18-də WUF13 çərçivəsində Türkiyə pavilyonunda keçirilən “İrsdən dayanıqlılığa doğru: Türk evləri” mövzusunda panel sessiyada söyləyib.

"Bu gün dünya sürətli urbanizasiya prosesindən keçərkən, bir zamanlar cəmiyyətlərin ruhunu, dəyərlərini və həyat tərzini əks etdirən ənənəvi memarlıq mühitlərinin tədricən yox olmasının şahidi oluruq. Şəhərsalma şübhəsiz ki, inkişaf və modernləşmə gətirir", - deyə o bildirib.

_{Müxbir - Gülay Nəzərova, Fidan Əlizadə, Günel Alıyeva}

_{Fotomüxbir - Elşad Mirzə}

_{Operator - İlham Nadirov}