ALEKSANDR LUKAŞENKO BELARUS DİLİNİN QAYDALARINI YENİDƏN YAZDIRACAQ
Dövlət başçısı xatırlatmışdır ki, sonuncu dəfə qaydalar hələ 1957-ci ildə qəbul edilmişdi, dilin normaları isə həm şagirdlər, həm də müəllim və jurnalistlər üçün anlaşıqlı və aydın olmalıdır.
Radkov demişdir ki, indi belaruslar öz ana dilinin orfoqrafiya qaydalarını müxtəlif cür başa düşürlər. Belarus dilinin yeni qaydalarının hazırlanması üzrə dövlət komissiyası hələ 1998-ci ildə yaradılmışdır. Bundan başqa, ana dilinin müasir səviyyəsini əks etdirən yeni orfoqrafiya layihəsi də var.
Qəzetin məlumatına görə, Lukaşenko Belarus Prezidenti seçildikdən dərhal sonra milli dil problemi siyasiləşdirilmiş və belarusdilli məktəblər bağlanmağa başlamışdır. İndi məktəblilərin cəmi 20 faizi ana dilində oxuyur.
“Qazeta” Lukaşenkonun bu sözlərini sitat gətirir: “Belarus dilində danışan adamlar bu dildə danışmaqdan başqa heç nə edə bilməzlər, çünki yüksək amalları belarusca ifadə etmək olmur. Belarus dili kasıb dildir. Dünyada yalnız iki böyük dil var. Bunlar rus və ingilis dilləridir”.
Bölmənin digər xəbərləri
