ALİ MƏKTƏBLƏRƏ QƏBUL İMTAHANLARININ VAXTI MÜƏYYƏNLƏŞDİRİLMİŞDİR
İyulun 15-dən 17-dək I, 19-dan 21-dək II və IV, 23-dən 27-dək III, 29-dan 30-dək V ixtisas qrupu abituriyentləri “İmtahana buraxılış vərəqəsi” və “Abituriyentin vəsiqəsi”ni sənədlərini bilavasitə təqdim etdikləri sənəd qəbulu komissiyalarından səhər saat 9-dan axşam 18-dək ala bilərlər.
Hərbi ali məktəbin və litseylərin namizədləri iyulun 18-də qəbul imtahanı verəcəklər.
Sənədi almaq üçün abituriyentlər özləri ilə şəxsiyyət vəsiqəsi və ya pasport, sənəd verilməsi haqda qəbz götürməlidirlər.
“Abituriyentin vəsiqəsi” xüsusi qoloqramla müdafiə olunmuşdur. “Buraxılış vərəqəsi” və “Abituriyentin vəsiqəsi”ni itirmək və zədələmək olmaz. Korlanmış və itirilmiş “Vəsiqə”nin əvəzinə yenisi verilmir.
İmtahanın keçirilmə vaxtını və yerini abituriyentlər “Buraxılış vərəqəsi”ndən öyrənə bilərlər. “Abituriyentin yaddaş kitabçası”nda “Cavab kartı”nın doldurulma qaydası, abituriyentlərin imtahanda davranış qaydaları və s. barədə məlumatlar verilir. Yaddaş kitabçası pulsuz verilir.
Bölmənin digər xəbərləri
