Alimlərdən xəbərdarlıq: əlavə şəkər böyrək daşı riskini artırır
Bakı, 7 avqust, AZƏRTAC
Yeni araşdırma adətən işlənmiş qidalarda olan əlavə şəkərin yüksək istehlakının böyrək daşı riskini artırdığını müəyyən edib.
AZƏRTAC xarici mediaya istinadən xəbər verir ki, ABŞ-ın Milli Sağlamlıq və Qidalanma Mərkəzinin statistik məlumatlarından istifadə edən araşdırma qrupu əlavə şəkəri çox istifadə edən şəxslərdə böyrək daşı riskinin 39 faiz artdığı faktını ortaya qoyub.
Araşdırmanın ikinci mərhələsində ABŞ-dan olan araşdırmaçılar tədqiqatı genişləndirərək dünyanın müxtəlif bölgələrindən statistik məlumat əldə ediblər və təhlil zamanı əlavə şəkərin Avropada 4, Asiyada 5, ABŞ-da isə 8 faiz əlavə risk faktoru əmələ gətirdiyi müəyyənləşib.
Böyrəkdə yığılan bu ağır mineral şiddətli ağrı, ürəkbulanma, qızdırma, titrəmə hətta qanlı sidik kimi əlamətlərlə özünü göstərir. Zamanla kiçik fəsadlar böyük infeksiyalara səbəb olur, daha sonra böyrəklərdə şişlər əmələ gəlir, ən pis halda isə artıq böyrək lazımi funksiyaları yerinə yetirə bilmir və sıradan çıxır.
Araşdırmaçılar bildiriblər ki, əlavə şəkər böyrək xəstəlikləri ilə yanaşı şəkərli diabet, obezite və bağırsaq xəstəliklərinə də səbəb ola bilir.
Bölmənin digər xəbərləri
