Qaranlıq maddə və kainatın genişlənməsinə yeni baxış
Bakı, 8 avqust, AZƏRTAC
NASA-nın fəzada fəaliyyətini davam etdirən teleskoplarından biri də Evkliddir.
AZƏRTAC “ScitechDaily” saytına istinadla xəbər verir ki, hazırda mühəndislər Evklid həssas teleskopu ilə səmanı skan edərək milyardlarla uzaq qalaktikaları kataloqlaşdırır.
Avropa Kosmik Agentliyi NASA-nın yardımı ilə Evklid teleskopunun çəkdiyi iki müəmmalı şəkli təhlil edib. Bu şəkillər təbiət və kainatın genişlənməsinin niyə sürətləndiyi və qaranlıq enerjinin mənbəyi haqqında müəyyən fikirlər söyləməyə əsas verir. Alimlər genişlənmənin sürətlənməsini qaranlıq maddənin həcminin artması ilə əlaqələndirirlər. Ancaq bunun səbəbi hələ məlum deyil. Evklid teleskopu çox güman ki, yaxın gələcəkdə bu haqda da məlumat toplayacaq.
NASA-nın missiya ilə iş üzrə alimi Mike Seiffert qeyd edib ki, NASA tərəfindən Avropa Kosmik Agentliyinə təchiz edilmiş avandanlıqların tam saz vəziyyətdə olması bizi sevindirir və Evklid teleskopunun gələcək fəaliyyəti isə bizi inanılmaz dərəcədə həyəcanlandırır.
Bölmənin digər xəbərləri
