Almaniya Yaxın Şərqdə qalmış vətəndaşlarının təxliyəsinə sabahdan başlayacaq
Berlin, 3 mart, AZƏRTAC
Almaniya hökuməti Yaxın Şərqdə qalmış Almaniya vətəndaşlarının təxliyəsinə martın 4-dən başlamağı planlaşdırır.
AZƏRTAC xəbər verir ki, bu barədə Almaniyanın xarici işlər naziri Yohan Vadeful “Welt” televiziyasına açıqlamasında bildirib. Nazir ilk reysin Omanın paytaxtı Maskata planlaşdırıldığını qeyd edib.
Vətəndaşların təxliyəsi zamanı əsasən uşaqlar, xəstələr və hamilə qadınlara üstünlük veriləcək.
Qeyd edək ki, Alman Səyahət Agentliyinin məlumatına görə, təkcə alman turizm şirkətlərinin təxminən 30 min müştərisi Yaxın Şərq ölkələrində qalıb.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
