Almaniyada avtobus qəzası nəticəsində 30-dan çox insan yaralanıb
Bakı, 12 sentyabr, AZƏRTAC
Bu gün səhər saatlarında Almaniyanın şimalında sərnişin avtobusu qəzaya uğrayıb.
AZƏRTAC DPA agentliyinə istinadla xəbər verir ki, qəza nəticəsində 30-dan çox insan xəsarət alıb. Rostok şəhər polisinin məlumatına görə, sürücü Vöbbelin yaşayış məntəqəsi yaxınlığında idarəetməni itirib və avtobus yoldan çıxaraq xəndəyə düşüb. Yaralılar yaxınlıqdakı xəstəxanalara çatdırılıb. Onlardan üçünün vəziyyətinin ciddi olduğu bildirilir.
Hazırda yol-nəqliyyat hadisəsinin detalları aydınlaşdırılır.
Bölmənin digər xəbərləri
