Almaniyanın nüfuzlu universitetlərindən Bakıya gəlmiş tələbələr ekoloji parkda olmuşlar
Bakı, 7 mart (AZƏRTAC). Martın 7-də Bakı Ali Neft Məktəbi (BANM) və Alman Akademik Mübadilə Xidməti (DAAD) tərəfindən təşkil edilən “Bakı qış neft məktəbi”nin layihəsində iştirak etmək üçün Almaniyanın nüfuzlu universitetlərindən Bakıya gəlmiş tələbələr ekoloji parkda olmuşlar.
AZƏRTAC xəbər verir ki, əvvəlcə qonaqlara “ARDNŞ-in ekoloji layihələri” mövzusunda təqdimat nümayiş etdirilmişdir.
Təqdimatda ARDNŞ tərəfindən həyata keçirilən ekoloji layihələr, ətraf mühitin mühafizəsi və biomüxtəlifliyin qorunması haqqında məlumatlar çatdırılmışdır. Ekoloji parkda gəzinti zamanı qonaqlara parkın yaradılması, istehsalat sahələri və infrastrukturu, burada quraşdırılan külək generatorları, günəş batareyaları və parkda tətbiq olunan digər texnologiyalar barədə də ətraflı məlumat verilmişdir. Parkın qapalı şitilxana kompleksində yetişdirilən müxtəlif növ bitkilər və onların becərilmə üsulları əcnəbi tələbələrdə maraq doğurmuşdur. Onlar körpə fidanları xüsusi qablara köçürərək, qabların üzərində öz ad və soyadlarını yazmışlar.
Tədbirin sonunda iştirakçılara ekologiya idarəsinin hədiyyələri təqdim edilmişdir.
Bölmənin digər xəbərləri
