Altı ayda 18 terrorçu Türkiyə jandarma əməkdaşlarına təslim olub
Ankara, 27 sentyabr, AZƏRTAC
Türkiyənin daxili işlər naziri Ali Yerlikaya son 6 ayda 30 vilayətdə 18 terror təşkilatı üzvünün jandarma əməkdaşlarına təslim olduğunu açıqlayıb.
AZƏRTAC xəbər verir ki, nazirin şənbə günü sosial şəbəkədəki paylaşımında hesabat dövründə aparılan əməliyyatlar zamanı terrorçuların istifadə edə biləcəyi 144 sığınacaq və mağara girişlərinin məhv edildiyi bildirilir.
Jandarma xüsusi təyinatlılarının iştirak etdiyi əməliyyatlarda ATAK helikopterləri və hücum pilotsuz təyyarələri iştirak edib.
Əməliyyatlar nəticəsində, 174 əl qumbarası, 119 atıcı silah, 58 mina, 47 kiloqram partlayıcı maddə, 13 RPQ-7 qumbaraatan, 1 odsaçan və sair aşkar edilib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
