AMEA-nın Fəlsəfə, Sosiologiya və Hüquq İnstitutunda 20 Yanvar şəhidlərinin xatirəsi anılmışdır
Bakı, 17 yanvar (AZƏRTAC). Azərbaycan Milli Elmlər Akademiyasının (AMEA) Fəlsəfə, Sosiologiya və Hüquq İnstitutunda 20 Yanvar faciəsinin 24-cü ildönümünə həsr olunmuş tədbir keçirilmişdir.
Əvvəlcə şəhidlərin xatirəsi bir dəqiqəlik sükutla yad edilmişdir.
Fəlsəfə, Sosiologiya və Hüquq İnstitutundan AZƏRTAC-a bildirmişlər ki, tədbirdə bu elm müəssisəsinin direktoru, fəlsəfə elmləri doktoru İlham Məmmədzadə 1990-cı il yanvarın 19-dan 20-nə keçən gecə Azərbaycanda törədilmiş qanlı hadisələrdən və ölkəmizin müstəqilliyi və azadlığı uğrunda canlarından keçən Vətən övladlarının qəhrəmanlıqlarından danışmışdır.
Diqqətə çatdırılmışdır ki, ulu öndər Heydər Əliyevin təşəbbüsü ilə ilk dəfə 20 Yanvar faciəsinə siyasi-hüquqi qiymət verilmişdir.
İnstitut direktorunun müavini, professor Bəhram Zahidov, sosiologiya və sosial psixologiya şöbəsinin müdiri Rəfiqə Əzimova və digər çıxış edənlər də 20 Yanvar faciəsinin mahiyyətini açıqlamış, hadisənin qanlı cinayət olduğunu bildirmişlər.
Bölmənin digər xəbərləri
