AMEA-NIN KİMYA ELMLƏRİ BÖLMƏSİNİN HESABATI DİNLƏNİLMİŞDİR

07.02.2004 [16:27]
Çap et
A⁺ A^-

Azərbaycan Milli Elmlər Akademiyası Rəyasət Heyətinin iclası olmuşdur. İclasda AMEA-nın kimya elmləri bölməsinin 2003-cü ildə elmi və elmi-təşkilati fəaliyyətinin yekunları barədə hesabatı dinlənilmişdir.

AZƏRTAC-ın müxbiri xəbər verir ki, ölkəmizdə elmin inkişafına göstərilən dövlət qayğısı hesabat məruzəsində minnətdarlıqla qeyd edilmiş, bölmə institutlarında aparılmış elmi tədqiqat işlərinin nəticələri haqqında, eyni zamanda, bölmənin yenidən tərtib edilmiş Nizamnaməsinin təsdiq olunması barədə geniş məlumat verilmişdir.

İclasda ötən müddət ərzində 41 mövzu üzrə tədqiqatlar aparılması, 39 işin tamamlanması, 4 elmi işin nəticəsinin istehsalata tətbiq edilməsi, 9 kitab və monoqrafiya, 545 tezis və məqalənin çap olunması müsbət hal kimi qiymətləndirilmişdir. Məqalələrin 129-u isə xaricdə nəşr edilmişdir.

İclasda, eyni zamanda, mövcud problemlər də müzakirə olunmuş və müvafiq təkliflər verilmişdir.