“Analitik və fiziki kolloid kimya” dərs vəsaiti çapdan çıxıb
Bakı, 13 mart, AZƏRTAC
Azərbaycan Dövlət Pedaqoji Universitetinin (ADPU) əməkdaşları professor Əli Zalov, dosentlər Hüsü İbrahimov və Şəfa Məmmədovanın “Analitik və fiziki kolloid kimya” adlı dərs vəsaiti Elmi şuranın qərarı ilə çapdan çıxıb.
Bu barədə AZƏRTAC-a kitabın elmi redaktoru ADPU-nun Analitik və üzvi kimya kafedrasının müdiri professor Əli Zalov bildirib. Onun sözlərinə görə, ADPU-nun yeni tədris proqramlarına uyğun olaraq hazırlanmış dərs vəsaiti iki hissədən ibarətdir. Birinci hissə analitik kimya fənninə, ikinci hissə fiziki və kolloid kimya fənninə ayrılıb.
“Professor Hüseyn Qurbanov və Kərim Quliyevin rəy verdikləri dərs vəsaitində müxtəlif analiz üsuluna aid təcrübi və laboratoriya işləri də yer alıb. Kitab kimya və biologiya ixtisasları üzrə təhsil alan tələbələr və doktorantlar, müəllimlər, elmi işçilər üçün dəyərli mənbədir”, - deyə Ə. Zalov əlavə edib.
Bölmənin digər xəbərləri
