ANTALYADA BAŞ VERMİŞ PARTLAYIŞ NƏTİCƏSİNDƏ 4 NƏFƏR ÖLMÜŞ 25 NƏFƏR YARALANMIŞDIR
AZƏRTAC-ın xüsusi müxbiri xəbər verir ki, iyunun 25-də axşam Türkiyənin Antalya şəhərinin Manavqat rayonundakı şəlalənin yanındakı restoranda baş vermiş partlayış nəticəsində 4 turist ölmüş, 25 nəfər yaralanmışdır. Ölənlərin ikisinin türk, birinin ukraynalı, digərinin isə norveçli olduğu bildirilir.
Partlayışın qaz balonundan qaynaqlandığını bildirilir. Hadisə ilə bağlı buraya gələn jurnalistlər mağaza və restoran sahiblərinin hücumuna məruz qalmış, onların bir neçəsi yaralanmışdır, fotomüxbirlərin aparatları sındırılmışdır.
Bu arada, həmin gün Antalyada qida zəhərlənməsindən 48 nəfər polis də xəstəxanaya çatdırılmışdır.
Bölmənin digər xəbərləri
