Araz Əlizadə: Şuşa Bəyannaməsi qardaş ölkələrimiz arasında müttəfiqlik münasibətlərini daha da möhkəmləndirəcək
Bakı,17 iyun, AZƏRTAC
Şuşa Bəyannaməsi Azərbaycan və Türkiyə üçün önəmli sənəddir. Bundan sonra hansısa bir dövlət Azərbaycan və ya Türkiyə ilə hərbi münaqişəyə başlayarsa, düşünməlidir ki, qarşısında iki qardaş ölkəni görəcək.
Bu fikirləri AZƏRTAC-a açıqlamasında Azərbaycan Sosial Demokrat Partiyasının sədri Araz Əlizadə söyləyib.
“Şuşa Bəyannaməsi iki qardaş ölkə arasında müttəfiqlik münasibətlərini daha da möhkəmləndirəcək. Azərbaycan Türkiyə ilə qarşılıqlı müttəfiqlik siyasəti yürüdəcək. Bəyannamə bütün istiqamətlərdə, o cümlədən hərbi, iqtisadi sahələrdə əməkdaşlığı ehtiva edir. Şuşa Bəyannaməsi hər iki dövlət üçün önəmlidir. Bundan sonra hansısa bir dövlət Azərbaycan və Türkiyə ilə hərbi münaqişəyə başlayarsa, düşünməlidir ki, qarşısında iki qardaş ölkəni görəcək”, - deyə partiya sədri vurğulayıb.
Bölmənin digər xəbərləri
