Arazda batan şəxsin axtarışları üçün çayda suyun səviyyəsi endirilib - YENİLƏNİB-2 VİDEO
İmişli, 8 iyun, AZƏRTAC
İmişli rayonunda Araz çayında batan 11-ci sinif şagirdinin axtarışları üçün Araz çayında suyun səviyyəsi endirilib.
AZƏRTAC-ın bölgə müxbiri xəbər verir ki, günorta saatlarında Bəhrəmtəpə Hidroqovşağından Araz çayı yatağına buraxılan suyun səviyyəsi azaldılıb.
Qeyd edək ki, ötən gün axşam saatlarında baş verən hadisə zamanı T.Mirişli çaya düşüb və boğulub.
FHN-in mətbuat xidmətindən AZƏRTAC-a bildirilib ki, iyunun 7-də nazirliyin "112" qaynar telefon xəttinə Araz çayının İmişli rayonu, Rəsullu kəndi ərazisindən keçən hissəsində 1 nəfərin batması barədə məlumat daxil olub və dərhal dalğıc-axtarış qrupları tərəfindən axtarışlara başlanılıb.
Hazırda vətəndaş - 2009-cu il təvəllüdlü Mirişli Turan Mirağa oğlunun batdığı ehtimal edilən istiqamətlərdə axtarışlar davam etdirilir. Əlavə məlumat veriləcək.
10:44
İmişli rayonunda 11-ci sinif şagirdi Araz çayında boğulub, əraziyə dalğıclar cəlb olunub.
AZƏRTAC-ın bölgə müxbiri xəbər verir ki, batan şəxsin axtarışları üçün hadisə yerinə Fövqəladə Hallar Nazirliyi Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc xilas ediciləri və katerlər cəlb olunub, axtarışlar davam etdirilir.
Qeyd edək ki, hadisə ötən gün axşam saatlarında Araz çayının İmişli rayonu Rəsullu və Məhəmmədli kəndləri ərazisindən keçən hissəsində qeydə alınıb. T.Mirişli çaya düşüb və boğulub.
07.06.2026
23:38
İmişli rayonunda 11-ci sinif məzununun Araz çayında boğulması ilə nəticələnən hadisə baş verib.
AZƏRTAC-ın bölgə müxbiri xəbər verir ki, hadisə axşam saatlarında Araz çayının İmişli rayonu Rəsullu və Məhəmmədli kəndləri ərazisindən keçən hissəsində qeydə alınıb. T.Mirişli çaya düşüb və boğulub. Hazırda axtarışlar davam etdirilir.
Müxbir-Aydın Yavərzadə
Bölmənin digər xəbərləri
