ARDNŞ-də ekoloji layihələrin idarəedilməsi üzrə layihə qrupunun ilk iclası keçirilmişdir
Bakı, 11 oktyabr (AZƏRTAC). ARDNŞ-in ekologiya üzrə vitse-prezidenti Rəfiqə Hüseynzadənin sədrliyi ilə ekoloji layihələrin idarəedilməsi üzrə layihə qrupunun ilk iclası keçirilmişdir.
AZƏRTAC xəbər verir ki, görüşdə ARDNŞ-in ekologiya üzrə vitse-prezidentinin təklifi ilə mövcud ekoloji problemlər və onların həlli yolu, ARDNŞ-də yeni “Tullantı Mərkəzi”nin yaradılması, yeni qurğuların alınması, qazma və neft şlamlarının utilizasiyası, neftqazçıxarma idarələrində hasil olunan lay sularının qapalı sistemlərlə təmin edilməsi məsələləri müzakirə edilmişdir. Layihə qrupu tərəfindən ümumilikdə 7 konkret təklif irəli sürülmüş və müzakirə nəticəsində təkliflər yekdilliklə qəbul olunmuşdur.
Bölmənin digər xəbərləri
