ASEAN ölkələrinin Myanmaya həsr olunan xüsusi sammiti aprelin 24-də keçiriləcək
Tokio, 17 aprel, AZƏRTAC
Cənub-Şərqi Asiya Dövlətləri Assosiasiyasının (ASEAN) Myanmada böhrana həsr olunan sammiti İndoneziyanın paytaxtı Cakartada aprelin 24-də keçiriləcək.
AZƏRTAC xəbər verir ki, bu barədə “The Jakarta Post” qəzeti İndoneziyanın Xarici İşlər Nazirliyinin nümayəndəsi Teuku Fayzasiaha istinadla məlumat yayıb.
Xatırladaq ki, Myanmada hərbi çevriliş edən bu ölkənin hərbçiləri fövqəladə vəziyyət rejimi elan ediblər.
“Hazırda biz məsələ ilə bağlı Bruneyin cavabını gözləyirik”, - deyə diplomat bildirib. Qeyd edək ki, Bruney hazırda həmin təşkilata sədrlik edir.
Bununla yanaşı diplomat bildirib ki, söhbət sammitin aprelin 24-də Cakartada keçirilməsindən gedir. T. Fayzasiah, həmçinin bu ərəfədə BMT tərəfindən sammitin aprelin 20-də keçiriləcəyi barədə yayılan xəbəri də təkzib edib. Həmin gün üçün Prezident Coko Vidodonun başqa planları olduğunu da əlavə edib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
