ASİYA İNKİŞAF BANKININ KREDİTİ HESABINA METEOROLOJİ AVADANLIQ ALINACAQDIR
Asiya İnkişaf Bankının krediti hesabına “Daşqınlara qarşı tədbirlər” layihəsi çərçivəsində müasir meteoroloji avadanlıq alınacaqdır. Ekologiya və Təbii Sərvətlər Nazirliyinin mətbuat xidmətindən AZƏRTAC-ın müxbirinə bildirmişlər ki, kreditin ümumi məbləğinin nazirlik üçün ayrılmış 1 faizi avadanlığın alınmasına xərclənəcəkdir. Layihənin başlıca icraçısı Kənd Təsərrüfatı Nazirliyi yanında Dövlət Su Təsərrüfatı və Meliorasiya Agentliyidir. Ayrılan məbləğə 5 avtomatlaşdırılmış meteoroloji stansiya alınacaq, 5 meteoroloji stansiya və 12 hidroloji məntəqə təmir və bərpa ediləcəkdir.
Xatırladaq ki, bank ilə Azərbaycan hökuməti arasında kredit sazişi ötən ilin noyabrında imzalanmışdır. Daşqınlarla bağlı problemlərin həlli üçün işlənib hazırlanmış layihədən məqsəd su ehtiyatlarının planlaşdırılması, idarə olunması və onların qiymətləndirilməsidir.
Bölmənin digər xəbərləri
