AŞQABADDA XƏZƏRİN DİBİNİN BÖLÜNMƏSİNƏ DAİR TÜRKMƏNİSTAN-İRAN DANIŞIQLARI KEÇİRİLMİŞDİR
Aşqabadda Xəzərin karbohidrogen ehtiyatlarının mənimsənilməsini sürətləndirmək məqsədilə dənizin dibinin bölünməsinə dair İran və Türkmənistan arasında danışıqlar keçirilmişdir. İTAR-TASS-dan AZƏRTAC-a daxil olan xəbərdə deyilir ki, İran nümayəndə heyətini bu ölkənin xarici işlər nazirinin müavini, Xəzər məsələləri üzrə xüsusi nümayəndəsi Mehdi Səfəri, Türkmənistan tərəfini isə Nazirlər Kabinetinin sədr müavini, neft-qaz kompleksinin inkişafı məsələləri ilə məşğul olan Ellı Qurbanmuradov təmsil etmişlər.
Məlumatda həmçinin, bildirilir ki, Türkmənistanla İranın dəniz sərhədi məsələsi BMT-nin dəniz hüququna dair Konvensiyası və digər beynəlxalq sənədlərə əsasən müzakirə olunmuşdur.
Bölmənin digər xəbərləri
