Astarada 20 Yanvar şəhidlərinin xatirəsi anılıb
Astara, 18 yanvar, Bağır Əliyev, AZƏRTAC
Yanvarın 18-də Yeni Azərbaycan Partiyası (YAP) Astara rayon təşkilatında 20 Yanvar faciəsinin 26-cı ildönümünə həsr olunmuş tədbirdə faciə qurbanlarının xatirəsi ehtiramla anılıb.
AZƏRTAC xəbər verir ki, tədbir iştirakçıları 20 Yanvar faciəsi qurbanlarının xatirəsini birdəqiqəlik sükutla yad ediblər.
Toplantıda çıxış edən YAP Astara rayon təşkilatının sədri Firudin Əhmədov 26 il əvvəl rus imperiyasının Bakıda törətdiyi qanlı cinayətləri yada salaraq, qanlı 20 Yanvar faciəsinə hüquqi və siyasi qiymət verilməsində ümummilli lider Heydər Əliyevin xidmətlərini yüksək dəyərləndirib.
YAP Astara rayon təşkilatı gənclər birliyinin sədri Tural Eyvazov 20 Yanvar faciəsinin 26-cı ildönümü ilə bağlı məruzə edib.
Toplantıda çıxış edənlər qanları ilə qəhrəmanlıq tariximizə parlaq səhifələr yazaraq şəhidlik zirvəsinə ucalan istiqlal mücahidlərinin xatirəsinin xalqımız tərəfindən həmişə böyük məhəbbətlə anıldığını bildiriblər.
Bölmənin digər xəbərləri
