ASTARANIN GƏNC PƏHLƏVANLARI RESPUBLİKA YARIŞLARINDA UĞURLA ÇIXIŞ ETMİŞLƏR
AZƏRTAC xəbər verir ki, yeniyetmələrin V Respublika oyunları proqramına daxil olan sərbəst güləş üzrə yarışların Maştağa qəsəbəsindəki Olimpiya İdman Kompleksində keçirilən final mərhələsində Astara rayon uşaq-gənclər idman məktəbinin pəhləvanları uğurla çıxış etmişlər.
Məktəbin yetirməsi Cəbrayıl Həsənov 54 kiloqram çəki dərəcəsində bütün görüşləri qələbə ilə başa vuraraq birinci yeri tutmuşdur. İlqar Ağayev (58 kq) ikinci, Samir Məmmədzadə (50 kq) və Ruhid Nəsirov (100 kq) üçüncü olmuşlar.
Astaralı güləşçilər ölkəmizin yeniyetmələrdən ibarət yığma komandasının təlim-məşqlərinə cəlb edilmişlər.
Bölmənin digər xəbərləri
