“Aston Martin” komandasını Çin şirkəti ala bilər
Bakı, 29 yanvar, AZƏRTAC
İngiltərənin lüks avtomobil şirkəti olan “Aston Martin” bu yaxınlarda satıla bilər.
AZƏRTAC xarici KİV-lərə istinadla xəbər verir ki, şirkətin Çinin “BYD Auto Company” tərəfindən alınacağı ilə bağlı xəbərlər yayılıb. Belə ki, yayılan məlumatlarda Çin şirkətinin “Aston Martin”i 4,1 milyard funt sterlinqə almağa hazırlaşdığı bildirilib.
“BYD Auto Company” Avropada məşhur olmaq üçün vasitələr axtardığı və “Aston Martin”i əldə etməyin bu baxımdan əlverişli olduğu vurğulanır.
Qeyd edək ki, “Aston Martin” komandası Formula 1 üzrə dünya çempionatının yeni mövsümündə çıxış edəcək.
Bölmənin digər xəbərləri
