“ATAHOLDİNQ” ASC İLƏ BEYNƏLXALQ GÜLƏŞ FEDERASİYASI ARASINDA SPONSORLUQ MÜQAVİLƏSİ İMZALANMIŞDIR
“AtaHoldinq” Açıq Səhmdar Cəmiyyətiinin mətbuat xidmətindən AZƏRTAC-a bildirmişlər ki, qurum Azərbaycanda fəaliyyət göstərən bir çox şirkətlərlə birgə konsorsium yaratmışdır. “AtaHoldinq” ASC konsorsiumun iştirakçıları adından 2008-2012-ci illər dövründə Beynəlxalq Güləş Federasiyasının sponsoru olması haqqında müqavilə imzalamışdır.
Müqaviləni Beynəlxalq Güləş Federasiyasının (FİLA) prezidenti Rafael Martinetti, “AtaHoldinq” ASC idarə heyətinin sədri Qafar Qurbanov və FİLA-nın büro üzvü, Marketinq Departamentinin rəhbəri Csaba Hegedus imzalamışlar.
Konsorsiumun məqsədi Azərbaycanın həm fiziki, həm də intellektual resurslarından səmərəli istifadə etmək, yeni iş yerləri yaratmaq üçün sərmayə qoymaq, ölkəmizin rifahı və iqtisadi inkişafına dəstək verməkdir.
Bölmənin digər xəbərləri
