“Atalanta” Çempionlar Liqası yolunda vacib qələbə qazanıb
Bakı, 3 iyul, Nicat Məmmədov, AZƏRTAC
İyulun 2-də futbol üzrə İtaliya A Seriyasının 29-cu turunun mərkəzi qarşılaşması keçirilib.
AZƏRTAC xəbər verir ki, turnir cədvəlində dördüncü yerdə qərarlaşan “Atalanta” öz meydanında “Napoli” komandasını qəbul edib.
Görüş meydan sahiblərinin 2:0 hesablı qələbəsi ilə başa çatıb.
Oyunda hər iki qolu “Atalanta” ikinci hissədə vurub. Matçın 47-ci dəqiqəsində Mario Paşaliç, 55-ci dəqiqədə isə Robin Qosens fərqləniblər.
Bu qələbədən sonra “Atalanta” xal ehtiyatını 60-a çatdıraraq turnir cədvəlində dördüncü yerdə mövqeyini qoruyub saxlayıb. Bu nəticə ilə Berqamo təmsilçisi UEFA Çempionlar Liqasına vəsiqə qazanmaq şansını artırıb. “Napoli” isə 45 xalla 6-cı yerdə qərarlaşıb.
Bölmənin digər xəbərləri
